ye dil ka inkishaf hai ye ain shin qaf hai
ye dil kā inkishāf hai ye ain shiin qaaf hai
jo ka.abe par ġhilāf hai ye ain shiin qaaf hai
thī arinī zid kisī kī aur milne ko gayā koī
so baat saaf saaf hai ye ain shiin qaaf hai
mirī ḳhirad kī ho ga.ī junūn se musālahat
har ik ḳhatā muaaf hai ye ain shiin qaaf hai
kisī ke hijr ne use tabāh kar ke rakh diyā
jo dil meñ ik shigāf hai ye ain shiin qaaf hai
mire hī gird gol gol ghūmne lagā huuñ maiñ
ye mastī-e-tavāf hai ye ain shiin qaaf hai
ye dil ka inkishaf hai ye ain shin qaf hai
jo kabe par ghilaf hai ye ain shin qaf hai
thi arini zid kisi ki aur milne ko gaya koi
so baat saf saf hai ye ain shin qaf hai
meri KHirad ki ho gai junun se musalahat
har ek KHata muaf hai ye ain shin qaf hai
kisi ke hijr ne use tabah kar ke rakh diya
jo dil mein ek shigaf hai ye ain shin qaf hai
mere hi gird gol gol ghumne laga hun main
ye masti-e-tawaf hai ye ain shin qaf hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
