ye din ki dhup tumhaari nazar ka dhoka hai

ye din kī dhuup tumhārī nazar kā dhokā hai

charāġh shab ke jalāo ki ghup añdherā hai

basā liyā to hai ik shahr-e-ārzū dil meñ

nazar ke sāmne lekin sukūt-e-sahrā hai

bujhā ke pyaas Duboyā na apnī ġhairat ko

gavāh tishna-labī kā hamārī dariyā hai

savād-e-shahr meñ aa.e to raushnī kyūñkar

siyāh raat kā sūraj pe jabki pahrā hai

diyā hai mausam-e-gul ne jo dil ko tohfe meñ

maiñ kyā batā.ūñ ki vo zaḳhm kitnā gahrā hai

jale daraḳhtoñ kī shāḳheñ gavāhī detī haiñ

idhar se qāfila koī zarūr guzrā hai

kabhī jo zaat se apnī thā anjuman 'bahzād'

hisār-e-ġham meñ simaT kar vo aaj tanhā hai

ye din ki dhup tumhaari nazar ka dhoka hai

charagh shab ke jalao ki ghup andhera hai

basa liya to hai ek shahr-e-arzu dil mein

nazar ke samne lekin sukut-e-sahra hai

bujha ke pyas Duboya na apni ghairat ko

gawah tishna-labi ka hamari dariya hai

sawad-e-shahr mein aae to raushni kyunkar

siyah raat ka suraj pe jabki pahra hai

diya hai mausam-e-gul ne jo dil ko tohfe mein

main kya bataun ki wo zaKHm kitna gahra hai

jale daraKHton ki shaKHen gawahi deti hain

idhar se qafila koi zarur guzra hai

kabhi jo zat se apni tha anjuman 'bahzad'

hisar-e-gham mein simaT kar wo aaj tanha hai