ye diya KHun se jala phir bhi jala hai to sahi

ye diyā ḳhuuñ se jalā phir bhī jalā hai to sahī

laakh rasman hī milā mujh se milā hai to sahī

an-kahī baat samajh lo to baḌī baat hai ye

merī ḳhāmosh navā.ī meñ sadā hai to sahī

Dagmagātā mujhe dekhe to sahārā de koī

ye jo laġhzish hai to laġhzish kā mazā hai to sahī

bhīgī āñkheñ ye batātī haiñ ki sun kar mirā haal

kuchh na kuchh tujh ko bhī ehsās huā hai to sahī

kaheñ maġhrūr ko badmast magar sach ye hai

inkisārī meñ bhī apnā hī nasha hai to sahī

zindagī bhar mirī hastī meñ rachā ho jaise

tujh ko dekhā nahīñ mahsūs kiyā hai to sahī

kāvish-e-zīst hai kyā apnī hī hastī kī talāsh

ḳhud ko pā lenā hī insāñ kā sila hai to sahī

hai jo āzurdagī us kī dam-e-ruḳhsat 'ādil'

tujh ko andāza-e-tajdīd-e-vafā hai to sahī

ye diya KHun se jala phir bhi jala hai to sahi

lakh rasman hi mila mujh se mila hai to sahi

an-kahi baat samajh lo to baDi baat hai ye

meri KHamosh nawai mein sada hai to sahi

Dagmagata mujhe dekhe to sahaara de koi

ye jo laghzish hai to laghzish ka maza hai to sahi

bhigi aankhen ye batati hain ki sun kar mera haal

kuchh na kuchh tujh ko bhi ehsas hua hai to sahi

kahen maghrur ko badmast magar sach ye hai

inkisari mein bhi apna hi nasha hai to sahi

zindagi bhar meri hasti mein racha ho jaise

tujh ko dekha nahin mahsus kiya hai to sahi

kawish-e-zist hai kya apni hi hasti ki talash

KHud ko pa lena hi insan ka sila hai to sahi

hai jo aazurdagi us ki dam-e-ruKHsat 'adil'

tujh ko andaza-e-tajdid-e-wafa hai to sahi