ye dua mang ki main raat ka chehra dekhun

ye du'ā maañg ki maiñ raat kā chehra dekhūñ

aañkh lag jaa.e to ḳhud ko na akelā dekhūñ

tujh ko dīvāna banā degā ye nargis kā chalan

ḳhud se bāhar bhī kabhī tujh ko nikaltā dekhūñ

ab vo din phir se nahīñ lauT ke aane vaale

maiñ jidhar jā.ūñ udhar chāñd ko chaltā dekhūñ

luT chukī paas se apne to matā'-e-dil-o-jāñ

zindagī aur maiñ kab tak tirā rasta dekhūñ

tishnagī mujh ko bulātī hai 'ajab hīloñ se

pahle sahrā kī taraf jā.ūñ ki dariyā dekhūñ

ek hī chehra liye phirtā huuñ duniyā meñ 'suhail'

aur duniyā kā taqāza hai ki duniyā dekhūñ

ye du'a mang ki main raat ka chehra dekhun

aankh lag jae to KHud ko na akela dekhun

tujh ko diwana bana dega ye nargis ka chalan

KHud se bahar bhi kabhi tujh ko nikalta dekhun

ab wo din phir se nahin lauT ke aane wale

main jidhar jaun udhar chand ko chalta dekhun

luT chuki pas se apne to mata'-e-dil-o-jaan

zindagi aur main kab tak tera rasta dekhun

tishnagi mujh ko bulati hai 'ajab hilon se

pahle sahra ki taraf jaun ki dariya dekhun

ek hi chehra liye phirta hun duniya mein 'suhail'

aur duniya ka taqaza hai ki duniya dekhun