ye duaon ka asar hai taqat-e-faryaad hai

ye du'āoñ kā asar hai tāqat-e-faryād hai

jān-levā ġham hai phir bhī zindagī ābād hai

aap rahne dījiye āsāñ nahīñ paḌhnā hameñ

dil to zaḳhmī hai magar chehra hamārā shaad hai

do hī chīzeñ khīñch saktī haiñ hameñ apnī taraf

ek to tum ho mirī jaañ ik tumhārī yaad hai

darmiyāñ donoñ ke ik shak kī bhī gunjā.ish nahīñ

is qadar mazbūt apne 'ishq kī buniyād hai

ḳhush ho piñjre meñ parinda yā dukhī ho shāḳh par

us ko matlab hī nahīñ sayyād to sayyād hai

kaam kuchh karte nahīñ haiñ ye mohabbat ke sivā

is liye hī 'āshiqoñ kī zindagī barbād hai

merī āzādī kā matlab tum batāoge mujhe

jis kī apnī raushnī sū-e-ruḳh-e-jallād hai

har taraqqī par tumhāre ḳhaas to dete hī haiñ

hāsidoñ se bhī mile jo vo mubārakbād hai

ye du'aon ka asar hai taqat-e-faryaad hai

jaan-lewa gham hai phir bhi zindagi aabaad hai

aap rahne dijiye aasan nahin paDhna hamein

dil to zaKHmi hai magar chehra hamara shad hai

do hi chizen khinch sakti hain hamein apni taraf

ek to tum ho meri jaan ek tumhaari yaad hai

darmiyan donon ke ek shak ki bhi gunjaish nahin

is qadar mazbut apne 'ishq ki buniyaad hai

KHush ho pinjre mein parinda ya dukhi ho shaKH par

us ko matlab hi nahin sayyaad to sayyaad hai

kaam kuchh karte nahin hain ye mohabbat ke siwa

is liye hi 'ashiqon ki zindagi barbaad hai

meri aazadi ka matlab tum bataoge mujhe

jis ki apni raushni su-e-ruKH-e-jallad hai

har taraqqi par tumhaare KHas to dete hi hain

hasidon se bhi mile jo wo mubarakbaad hai