ye durweshon ki basti hai yahan aisa nahin hoga

ye durveshoñ kī bastī hai yahāñ aisā nahīñ hogā

libās-e-zindagī phaT jā.egā mailā nahīñ hogā

share-bāzār meñ qīmat uchhaltī girtī rahtī hai

magar ye ḳhūn-e-muflis hai kabhī mahñgā nahīñ hogā

tire ehsās kī īñTeñ lagī haiñ is imārat meñ

hamārā ghar tire ghar se kabhī ūñchā nahīñ hogā

hamārī dostī ke biich ḳhud-ġharzī bhī shāmil hai

ye be-mausam kā phal hai ye bahut mīThā nahīñ hogā

purāne shahr ke logoñ meñ ik rasm-e-muravvat hai

hamāre paas aa jaao kabhī dhoka nahīñ hogā

ye aisī choT hai jis ko hamesha dukhte rahnā hai

ye aisā zaḳhm hai jo umr bhar achchhā nahīñ hogā

ye durweshon ki basti hai yahan aisa nahin hoga

libas-e-zindagi phaT jaega maila nahin hoga

share-bazar mein qimat uchhalti girti rahti hai

magar ye KHun-e-muflis hai kabhi mahnga nahin hoga

tere ehsas ki inTen lagi hain is imarat mein

hamara ghar tere ghar se kabhi uncha nahin hoga

hamari dosti ke bich KHud-gharzi bhi shamil hai

ye be-mausam ka phal hai ye bahut miTha nahin hoga

purane shahr ke logon mein ek rasm-e-murawwat hai

hamare pas aa jao kabhi dhoka nahin hoga

ye aisi choT hai jis ko hamesha dukhte rahna hai

ye aisa zaKHm hai jo umr bhar achchha nahin hoga