ye gham bhi hai ki tere pyar ka dawa nahin karta

ye ġham bhī hai ki tere pyaar kā da.avā nahīñ kartā

ḳhushī bhī hai ki apne-āp se dhokā nahīñ kartā

agar maiñ ne tujhe duniyā pe qurbāñ kar diyā to kyā

yahāñ insān jiine ke liye kyā kyā nahīñ kartā

jo un sone kī dahlīzoñ pe jā kar ḳhatm hotī haiñ

maiñ un galiyoñ se ab terā pata pūchhā nahīñ kartā

vo jis par tū ne do dil ek nāvak se guzāre the

maiñ ab us peḌ ke saa.e meñ bhī baiThā nahīñ kartā

maiñ apne-āp ko DhūñDūñgā apnī shakl ke andar

maiñ apnī be-dilī kā aa.ina mailā nahīñ kartā

maiñ apne jism ke sāhil pe terī aarzū likkhūñ

yaqīñ ho gar ki paanī ret se guzrā nahīñ kartā

ye gham bhi hai ki tere pyar ka dawa nahin karta

KHushi bhi hai ki apne-ap se dhoka nahin karta

agar main ne tujhe duniya pe qurban kar diya to kya

yahan insan jine ke liye kya kya nahin karta

jo un sone ki dahlizon pe ja kar KHatm hoti hain

main un galiyon se ab tera pata puchha nahin karta

wo jis par tu ne do dil ek nawak se guzare the

main ab us peD ke sae mein bhi baiTha nahin karta

main apne-ap ko DhunDunga apni shakl ke andar

main apni be-dili ka aaina maila nahin karta

main apne jism ke sahil pe teri aarzu likkhun

yaqin ho gar ki pani ret se guzra nahin karta