ye hadsa bhi shahr-e-nigaran mein ho gaya

Hafeez Banarasi

ye hadsa bhi shahr-e-nigaran mein ho gaya

Hafeez Banarasi

MORE BY Hafeez Banarasi

    ye hādsa bhī shahr-e-nigārāñ meñ ho gayā

    be-chehragī bhiiḌ meñ har chehra kho gayā

    jis ko sazā milī thī ki jaage tamām umr

    suntā huuñ aaj maut bāñhoñ meñ so gayā

    harkat kisī meñ hai na harārat kisī meñ hai

    kyā shahr thā jo barf chaTTān ho gayā

    maiñ us ko nafratoñ ke sivā kuchh na de sakā

    vo chāhatoñ biij mire dil meñ bo gayā

    marham to rakh sakā na koī mere zaḳhm par

    jo aayā ek nishtar-e-tāza chubho gayā

    kījiye qubūl ki har chehra zard hai

    kahiye har nigāh ko yarqān ho gayā

    maiñ ne to apne ġham kahānī sunā.ī thī

    kyuuñ apne apne ġham meñ har ik shaḳhs kho gayā

    us dushman-e-vafā ko duā de rahā huuñ maiñ

    merā na ho sakā vo kisī to ho gayā

    ik māh-vash ne chuum peshāni-e-'hafīz'

    dilchasp hādsa thā jo kal raat ho gayā

    ye hadsa bhi shahr-e-nigaran mein ho gaya

    be-chehragi ki bhiD mein har chehra kho gaya

    jis ko saza mili thi ki jage tamam umr

    sunta hun aaj maut ki banhon mein so gaya

    harkat kisi mein hai na hararat kisi mein hai

    kya shahr tha jo barf ki chaTTan ho gaya

    main us ko nafraton ke siwa kuchh na de saka

    wo chahaton ka bij mere dil mein bo gaya

    marham to rakh saka na koi mere zaKHm par

    jo aaya ek nishtar-e-taza chubho gaya

    ya kijiye qubul ki har chehra zard hai

    ya kahiye har nigah ko yarqan ho gaya

    main ne to apne gham ki kahani sunai thi

    kyun apne apne gham mein har ek shaKHs kho gaya

    us dushman-e-wafa ko dua de raha hun main

    mera na ho saka wo kisi ka to ho gaya

    ek mah-wash ne chum li peshani-e-'hafiz'

    dilchasp hadsa tha jo kal raat ho gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites