ye hadsa bhi to kuchh kam na tha saba ke liye
ye hādsa bhī to kuchh kam na thā sabā ke liye
guloñ ne kis liye bose tirī qabā ke liye
vahāñ zamīn par un kā qadam nahīñ paḌtā
yahāñ taraste haiñ ham log naqsh-e-pā ke liye
tum apnī zulf bikhero ki āsmāñ ko bhī
bahāna chāhiye mahshar ke iltavā ke liye
ye kis ne pyaar kī sham.oñ ko bad-duā dī hai
ujaaḌ rāhoñ meñ jaltī raheñ sadā ke liye
abhī to aag se sahrā paḌe haiñ raste meñ
ye ThanDakeñ haiñ fasāne kī ibtidā ke liye
sulag rahā hai chaman meñ bahār kā mausam
kisī hasīn ko āvāz do ḳhudā ke liye
ye hadsa bhi to kuchh kam na tha saba ke liye
gulon ne kis liye bose teri qaba ke liye
wahan zamin par un ka qadam nahin paDta
yahan taraste hain hum log naqsh-e-pa ke liye
tum apni zulf bikhero ki aasman ko bhi
bahana chahiye mahshar ke iltawa ke liye
ye kis ne pyar ki shamon ko bad-dua di hai
ujaD rahon mein jalti rahen sada ke liye
abhi to aag se sahra paDe hain raste mein
ye ThanDaken hain fasane ki ibtida ke liye
sulag raha hai chaman mein bahaar ka mausam
kisi hasin ko aawaz do KHuda ke liye
- Book : Ghazal Calendar-2015 (Pg. 27.06.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
