ye hum par lutf kaisa ye karam kya

ye ham par lutf kaisā ye karam kyā

badal Daale haiñ andāz-e-sitam kyā

zamāna hech hai apnī nazar meñ

zamāne kī ḳhushī kyā aur ġham kyā

jab us mahfil ko ham kahte haiñ apnā

phir us mahfil meñ fikr-e-besh-o-kam kyā

nazar aatī hai duniyā ḳhūb-sūrat

mire sāġhar ke aage jām-o-jam kyā

jabīñ hai be-niyāz-e-kufr-o-īmāñ

dar-e-but-ḳhāna kyā sehn-e-haram kyā

tirī chashm-e-karam ho jis kī jānib

use phir imtiyāz-e-besh-o-kam kyā

mire māh-e-munavvar tere aage

charāġh-e-dair kyā sham-e-haram kyā

nigāh-e-nāz ke do shobade haiñ

'azīz' apnā vajūd apnā adam kyā

ye hum par lutf kaisa ye karam kya

badal Dale hain andaz-e-sitam kya

zamana hech hai apni nazar mein

zamane ki KHushi kya aur gham kya

jab us mahfil ko hum kahte hain apna

phir us mahfil mein fikr-e-besh-o-kam kya

nazar aati hai duniya KHub-surat

mere saghar ke aage jam-o-jam kya

jabin hai be-niyaz-e-kufr-o-iman

dar-e-but-KHana kya sehn-e-haram kya

teri chashm-e-karam ho jis ki jaanib

use phir imtiyaz-e-besh-o-kam kya

mere mah-e-munawwar tere aage

charagh-e-dair kya sham-e-haram kya

nigah-e-naz ke do shobade hain

'aziz' apna wajud apna adam kya