ye haqiqat hai ki har rahguzar se pahle

ye haqīqat hai ki har rāhguzar se pahle

manzileñ DhūñDhtī aa.ī haiñ safar se pahle

apnā anjām bhī sochā hai kabhī māh-jabīñ

phuul jhaḌ jā.eñge shāḳhoñ pe samar se pahle

kyā ḳhabar thī ki tire ba.ad ye hālat hogī

shaam katrā.egī aane ko sahar se pahle

apne qadmoñ se ye aflāk hue haiñ raushan

ham hī pahuñche haiñ vahāñ shams-o-qamar se pahle

kyā patā thā ki tirī yaad meñ rote rote

dil kā ho jā.egā sab kaam jigar se pahle

un ko ā.īna uThāne meñ bhī aatā hai hijāb

jānte kyā the vo ādāb-e-nazar se pahle

dil hai ummīdoñ kā ik shahr-e-ḳhamoshāñ ai dost

ziist vīrān thī yādoñ ke nagar se pahle

ye haqiqat hai ki har rahguzar se pahle

manzilen DhunDhti aai hain safar se pahle

apna anjam bhi socha hai kabhi mah-jabin

phul jhaD jaenge shaKHon pe samar se pahle

kya KHabar thi ki tere baad ye haalat hogi

sham katraegi aane ko sahar se pahle

apne qadmon se ye aflak hue hain raushan

hum hi pahunche hain wahan shams-o-qamar se pahle

kya pata tha ki teri yaad mein rote rote

dil ka ho jaega sab kaam jigar se pahle

un ko aaina uThane mein bhi aata hai hijab

jaante kya the wo aadab-e-nazar se pahle

dil hai ummidon ka ek shahr-e-KHamoshan ai dost

zist viran thi yaadon ke nagar se pahle