ye hasti-e-dil us pe ye tufan-e-tamanna

ye hastī-e-dil us pe ye tūfān-e-tamannā

allāh re ai josh-e-farāvān-e-tamannā

duniyā meñ huuñ maiñ soḳhta-sāmān-e-tamannā

dil hai mirā ik ḳhāna-e-vīrān-e-tamannā

barbād huā aaj kisī kā dil-e-vahshī

hai ḳhāk-basar kūcha-e-vīrān-e-tamannā

juz ḳhvāb nahīñ sub.h-e-umīd-e-dil-e-māyūs

juz vahm nahīñ mohr-e-daraḳhshān-e-tamannā

ik hasrat-e-mahbūs hai sarnāma-e-ulfat

dard-e-dil-e-vā-rafta hai unvān-e-tamannā

hasrat bhī hai naumīdī bhī hai yaas bhī ġham bhī

dil-doz haiñ ajzā-e-pareshān-e-tamannā

yā laash ko logoñ ne lapeTā hai kafan meñ

yā ḳhvāb meñ huuñ maiñ tah-e-dāmān-e-tamannā

'afsar' mirī vahshat kā taqāzā to yahī hai

hogā na rafū chāk-e-garebān-e-tamannā

ye hasti-e-dil us pe ye tufan-e-tamanna

allah re ai josh-e-farawan-e-tamanna

duniya mein hun main soKHta-saman-e-tamanna

dil hai mera ek KHana-e-viran-e-tamanna

barbaad hua aaj kisi ka dil-e-wahshi

hai KHak-basar kucha-e-viran-e-tamanna

juz KHwab nahin subh-e-umid-e-dil-e-mayus

juz wahm nahin mohr-e-daraKHshan-e-tamanna

ek hasrat-e-mahbus hai sarnama-e-ulfat

dard-e-dil-e-wa-rafta hai unwan-e-tamanna

hasrat bhi hai naumidi bhi hai yas bhi gham bhi

dil-doz hain ajza-e-pareshan-e-tamanna

ya lash ko logon ne lapeTa hai kafan mein

ya KHwab mein hun main tah-e-daman-e-tamanna

'afsar' meri wahshat ka taqaza to yahi hai

hoga na rafu chaak-e-gareban-e-tamanna