ye hikmat-e-amali hai koi kina nahin hai

ye hikmat-e-amalī hai koī kiina nahīñ hai

is hijr ke ghaav ko abhī siinā nahīñ hai

ab sāmne bantā hai mirā aks tamāshā

ye harza-sarā.ī pas-e-ā.īna nahīñ hai

kuchh din kī shanāsā.ī shanāsā.ī na samjho

ye ḳhud se ta.alluq mirā derīna nahīñ hai

ahkām yahāñ dil ke hī chalte haiñ kam-o-besh

ye ishq hai is kī koī kābīna nahīñ hai

bante haiñ havāoñ meñ tamanna ke gharauñde

ye vo haiñ makāñ jin meñ koī ziina nahīñ hai

martā to koī shaḳhs nahīñ hijr meñ phir bhī

ye jiinā mire dost koī jiinā nahīñ hai

haiñ darj sabhī dil pe mohabbat ke ḳhasāre

ye gin ke likhe haiñ koī taḳhmīna nahīñ hai

ye hikmat-e-amali hai koi kina nahin hai

is hijr ke ghaw ko abhi sina nahin hai

ab samne banta hai mera aks tamasha

ye harza-sarai pas-e-aina nahin hai

kuchh din ki shanasai shanasai na samjho

ye KHud se talluq mera derina nahin hai

ahkaam yahan dil ke hi chalte hain kam-o-besh

ye ishq hai is ki koi kabina nahin hai

bante hain hawaon mein tamanna ke gharaunde

ye wo hain makan jin mein koi zina nahin hai

marta to koi shaKHs nahin hijr mein phir bhi

ye jina mere dost koi jina nahin hai

hain darj sabhi dil pe mohabbat ke KHasare

ye gin ke likhe hain koi taKHmina nahin hai