ye ek aur humne qarina kiya

ye ik aur ham ne qarīna kiyā

dar-e-yār tak dil ko ziina kiyā

badal dī hai sab sūrat-e-āb-o-ḳhāk

magar jab lahū ko pasīna kiyā

vo kashtī se dete the manzar kī daad

so ham ne bhī ghar kā safīna kiyā

kahāñ ham tak aayā koī raaz jo

kahāñ ham ne dil ko dafīna kiyā

faqīroñ kā ye bhī tilismāt hai

lahū rañg ko ābgīna kiyā

chamakne lagā phir ġham-e-rā.egāñ

magar ek jab zaḳhm-o-sīna kiyā

ye ek aur hum ne qarina kiya

dar-e-yar tak dil ko zina kiya

badal di hai sab surat-e-ab-o-KHak

magar jab lahu ko pasina kiya

wo kashti se dete the manzar ki dad

so hum ne bhi ghar ka safina kiya

kahan hum tak aaya koi raaz jo

kahan hum ne dil ko dafina kiya

faqiron ka ye bhi tilismat hai

lahu rang ko aabgina kiya

chamakne laga phir gham-e-raegan

magar ek jab zaKHm-o-sina kiya