یہ امتحان وفا ہے اے دل گلہ نہ کر ان کی بے رخی کا

یہ امتحان وفا ہے اے دل گلہ نہ کر ان کی بے رخی کا

تڑپ سے مطلب فغاں سے حاصل وقار کھو دے گا عاشقی کا

ہوئے جو مسحور حسن رنگیں تو ذوق شعری نے چٹکیاں لیں

فریب الفت میں آ گئے ہم تو لگ گیا روگ شاعری کا

نہ بے خودی ہے نہ ہوشیاری عجیب کچھ کیفیت ہے طاری

خبر ہے ان کی نہ ہوش اپنا یہ کون سا رخ ہے زندگی کا

بلا رہی ہیں ہمیں بہاریں وہ گنگناتی ہوئی پھواریں

چلو کریں مل کے سیر گلشن کبھی تو مانو کہا کسی کا

نظر رہی سب کی رنگ و بو پر گزر گیا ہم پہ حشر جوہرؔ

کسی نے دیکھا نہ شیشۂ دل چمن میں ہنستی ہوئی کلی کا