ye ishq ki galiyan jin mein hum kis kis aalam mein aae gae

ye ishq kī galiyāñ jin meñ ham kis kis aalam meñ aa.e ga.e

kahtī haiñ ki hazrat ab kaise tum aaj yahāñ kyuuñ paa.e ga.e

ik shart hai yaañ ḳhushbu-e-vafā yaad aa.e to karnā yaad zarā

jab tum pe bharosā thā gul kā kyā mahke kyā mahkā.e ga.e

hai ye vahī lauh-e-bāb-e-junūñ likkhā hai na pūchho kyā aur kyuuñ

tum laa.e kalīd-e-jazb-e-darūñ aur sab manzar dikhlā.e ga.e

ik taḳht-e-ravān-e-sher aayā kuchh shāh-e-suḳhan na farmāyā

phir tāj-e-tarannum pahnāyā aur ġhazloñ meñ tulvā.e ga.e

ik tab-e-rasā se kyā bantā ye un galiyoñ kā sadqa thā

vo lafz aur vo uslūb mile aur vo ma.anī sajvā.e ga.e

hairat se Thahar jaatī thī yahāñ ye kahtī huī har kāhkashāñ

jab yuuñ mil jaanā mumkin hai to phir ham kyuuñ phailā.e ga.e

duniyā ke sahī andāz bahut un galiyoñ ke bhī haiñ raaz bahut

jo Thahre vo sar-afrāz hue jo nikle vo Thukrā.e ga.e

ye ishq ki galiyan jin mein hum kis kis aalam mein aae gae

kahti hain ki hazrat ab kaise tum aaj yahan kyun pae gae

ek shart hai yan KHushbu-e-wafa yaad aae to karna yaad zara

jab tum pe bharosa tha gul ka kya mahke kya mahkae gae

hai ye wahi lauh-e-bab-e-junun likkha hai na puchho kya aur kyun

tum lae kalid-e-jazb-e-darun aur sab manzar dikhlae gae

ek taKHt-e-rawan-e-sher aaya kuchh shah-e-suKHan na farmaya

phir taj-e-tarannum pahnaya aur ghazlon mein tulwae gae

ek tab-e-rasa se kya banta ye un galiyon ka sadqa tha

wo lafz aur wo uslub mile aur wo mani sajwae gae

hairat se Thahar jati thi yahan ye kahti hui har kahkashan

jab yun mil jaana mumkin hai to phir hum kyun phailae gae

duniya ke sahi andaz bahut un galiyon ke bhi hain raaz bahut

jo Thahre wo sar-afraaz hue jo nikle wo Thukrae gae