ye itni barhami kyun hai ye mujhse bad-guman kyun ho

ye itnī barhamī kyuuñ hai ye mujh se bad-gumāñ kyuuñ ho

jo maiñ tum ko sunātā huuñ vo merī dāstāñ kyuuñ ho

ilāhī ḳhair kyā koī musībat aane vaalī hai

jo ik duniyā se khiñchtā ho vo mujh par mehrbāñ kyuuñ ho

mirī ġhairat ye ḳhud-ārā.ī gavārā kar nahīñ saktī

na jo merā ḳhudā ho vo ḳhudā-e-do-jahāñ kyuuñ ho

ruḳh-e-gītī kā ġhāza ḳhaak hai in ḳhush-nihādoñ kī

vajūd-e-ahl-e-dil ahl-e-zamāna par garāñ kyuuñ ho

zamāna lamha lamha kaam aatā hai zamāne ke

'munavār' umr ik merī hī umr-e-rā.egāñ kyuuñ ho

ye itni barhami kyun hai ye mujh se bad-guman kyun ho

jo main tum ko sunata hun wo meri dastan kyun ho

ilahi KHair kya koi musibat aane wali hai

jo ek duniya se khinchta ho wo mujh par mehrban kyun ho

meri ghairat ye KHud-arai gawara kar nahin sakti

na jo mera KHuda ho wo KHuda-e-do-jahan kyun ho

ruKH-e-giti ka ghaza KHak hai in KHush-nihadon ki

wajud-e-ahl-e-dil ahl-e-zamana par garan kyun ho

zamana lamha lamha kaam aata hai zamane ke

'munawar' umr ek meri hi umr-e-raegan kyun ho