ye iztirab dekhna ye intishaar dekhna
ye iztirāb dekhnā ye intishār dekhnā
sahar na ho kahīñ zarā pas-e-ġhubār dekhnā
ye ḳhastagī kā faiz hai ki jis ne aañkh muuñd kar
sikhā diyā mujhe badan ke ār-pār dekhnā
shikast khā chuke haiñ ham magar aziiz fāteho
hamāre qad se kam na ho farāz-e-dār dekhnā
guzar ga.ī jo mauj us kī yaad hī fuzūl hai
magar ho us kā muḌ ke mujh ko baar baar dekhnā
mirā ḳhulūs dekhnā ki mahv-e-intizār huuñ
use bhalā chukā huuñ kaif-e-intizār dekhnā
ye iztirab dekhna ye intishaar dekhna
sahar na ho kahin zara pas-e-ghubar dekhna
ye KHastagi ka faiz hai ki jis ne aankh mund kar
sikha diya mujhe badan ke aar-par dekhna
shikast kha chuke hain hum magar aziz fateho
hamare qad se kam na ho faraaz-e-dar dekhna
guzar gai jo mauj us ki yaad hi fuzul hai
magar ho us ka muD ke mujh ko bar bar dekhna
mera KHulus dekhna ki mahw-e-intizar hun
use bhala chuka hun kaif-e-intizar dekhna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
