ye jadu-e-jamal kisi dida-war se puchh

ye jādū-e-jamāl kisī dīda-var se pūchh

ā.īna kyā batā.egā merī nazar se pūchh

iz.hār-e-dard merī zabāñ se na ho sakā

ai shoḳh dil kā haal mirī chashm-e-tar se pūchh

ahd-e-bahār meñ bhī gulāboñ ke kyuuñ haram

mismār ho rahe haiñ nasīm-e-sahar se pūchh

vahshat meñ bhī kiyā huā kyā kyā nahīñ huā

kuchh apnī rahguzār se kuchh sañg-e-dar se pūchh

shām-e-visāl dost kahāñ kho ga.ī 'shamīm'

vīrānī-e-hayāt kī is dopahar se pūchh

ye jadu-e-jamal kisi dida-war se puchh

aaina kya bataega meri nazar se puchh

izhaar-e-dard meri zaban se na ho saka

ai shoKH dil ka haal meri chashm-e-tar se puchh

ahd-e-bahaar mein bhi gulabon ke kyun haram

mismar ho rahe hain nasim-e-sahar se puchh

wahshat mein bhi kiya hua kya kya nahin hua

kuchh apni rahguzar se kuchh sang-e-dar se puchh

sham-e-visal dost kahan kho gai 'shamim'

virani-e-hayat ki is dopahar se puchh