ye jhuT hai ki mera koi muddaa hi nahin

ye jhuuT hai ki mirā koī mudda.ā hī nahīñ

savāl ye hai ki us ne kabhī sunā hī nahīñ

bas ek baar vo bach kar guzar gayā mujh se

phir us kā naam kabhī umr-bhar liyā hī nahīñ

kiyā thā vaar magar muskurā ke dushman ne

ajiib baat hai ye haath phir uThā hī nahīñ

na-jāne kis liye ḳhāmosh ho gayā sun kar

ki us ke paas mire dard kī davā hī nahīñ

mujhe yaqīn thā do lafz to likhegā vo

javāb us ne mire ḳhat kā par diyā hī nahīñ

tamām chāhateñ yak-tarfa rah ga.iiñ 'saifī'

tumhāre pyaar kā jaadū magar chalā hī nahīñ

ye jhuT hai ki mera koi muddaa hi nahin

sawal ye hai ki us ne kabhi suna hi nahin

bas ek bar wo bach kar guzar gaya mujh se

phir us ka nam kabhi umr-bhar liya hi nahin

kiya tha war magar muskura ke dushman ne

ajib baat hai ye hath phir uTha hi nahin

na-jaane kis liye KHamosh ho gaya sun kar

ki us ke pas mere dard ki dawa hi nahin

mujhe yaqin tha do lafz to likhega wo

jawab us ne mere KHat ka par diya hi nahin

tamam chahaten yak-tarfa rah gain 'saifi'

tumhaare pyar ka jadu magar chala hi nahin