ye jo biphre hue dhaare liye phirta hun main
ye jo biphre hue dhāre liye phirtā huuñ maiñ
apne hamrāh kināre liye phirtā huuñ maiñ
tābish o taab liye aa.egā sūraj merā
raat bhar sar pe sitāre liye phirtā huuñ maiñ
barg-e-āvāra-sifat saath mujhe bhī le chal
tere andāz to saare liye phirtā huuñ maiñ
ye alag baat churā letā hai nazreñ apnī
us kī āñkhoñ meñ nazāre liye phirtā huuñ maiñ
kohr meñ Duubī ye sarmā kī saver ai duniyā
tum samajhtī ho tumhāre liye phirtā huuñ maiñ
jaane kyā baat hai puure hī nahīñ hote haiñ
jaane kyā dil meñ ḳhasāre liye phirtā huuñ maiñ
phuul hoñToñ pe hañsī ke haiñ mahakte hue 'shāz'
aur sāñsoñ meñ sharāre liye phirtā huuñ maiñ
ye jo biphre hue dhaare liye phirta hun main
apne hamrah kinare liye phirta hun main
tabish o tab liye aaega suraj mera
raat bhar sar pe sitare liye phirta hun main
barg-e-awara-sifat sath mujhe bhi le chal
tere andaz to sare liye phirta hun main
ye alag baat chura leta hai nazren apni
us ki aankhon mein nazare liye phirta hun main
kohr mein Dubi ye sarma ki sawer ai duniya
tum samajhti ho tumhaare liye phirta hun main
jaane kya baat hai pure hi nahin hote hain
jaane kya dil mein KHasare liye phirta hun main
phul honTon pe hansi ke hain mahakte hue 'shaz'
aur sanson mein sharare liye phirta hun main
- Book : khamoshi ki khidkii se (Pg. 143)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
