ye jo insan KHuda ka hai shahkar

ye jo insāñ ḳhudā kā hai shahkār

us kī qismat pe hai ḳhudā kī maar

marg-e-dushman kī aarzū hī sahī

dil se nikle kisī tarah to ġhubār

naam badnām ho chukā hazrat

kījiye ab to jurm kā iqrār

hogā donoñ kā ḳhātma bil-ḳhair

ab tasādum meñ hai na jiit na haar

bik chukī jins-e-nādir-o-nāyāb

ho chukī ḳhatm garmī-e-bāzār

ittifāqī hai do diloñ kā milāp

kaun suntā hai varna kis kī pukār

husn vāloñ kā pūchhnā kyā hai

jitne dilkash haiñ utne dil-āzār

jiinā marnā hai ban paḌe kī baat

na ye āsān aur na vo dushvār

kis ko parvā ki in pe kyā guzrī

zindagī se jo ho ga.e bezār

multafit ḳhud na ho agar koī

aah be-sūd aur fuġhāñ be-kār

pur-sukūñ niiñd chāhte ho 'nazīr'

saath laanā thā qismat-e-bedār

ye jo insan KHuda ka hai shahkar

us ki qismat pe hai KHuda ki mar

marg-e-dushman ki aarzu hi sahi

dil se nikle kisi tarah to ghubar

nam badnam ho chuka hazrat

kijiye ab to jurm ka iqrar

hoga donon ka KHatma bil-KHair

ab tasadum mein hai na jit na haar

bik chuki jins-e-nadir-o-nayab

ho chuki KHatm garmi-e-bazar

ittifaqi hai do dilon ka milap

kaun sunta hai warna kis ki pukar

husn walon ka puchhna kya hai

jitne dilkash hain utne dil-azar

jina marna hai ban paDe ki baat

na ye aasan aur na wo dushwar

kis ko parwa ki in pe kya guzri

zindagi se jo ho gae bezar

multafit KHud na ho agar koi

aah be-sud aur fughan be-kar

pur-sukun nind chahte ho 'nazir'

sath lana tha qismat-e-bedar