ye jo izhaar karna hota hai
ye jo iz.hār karnā hotā hai
kār-e-be-kār karnā hotā hai
qabr vo naav hai ki jis meñ hameñ
āsmāñ paar karnā hotā hai
ḳhāl-o-ḳhad se gurez karnā bhī
lams bedār karnā hotā hai
ishq vo kār-e-yak-ba-yak hai jise
marhala-vār karnā hotā hai
apne andar ḳhalā-purī ke liye
ḳhud ko mismār karnā hotā hai
ham pas-e-dār siikh aate haiñ
jo sar-e-dār karnā hotā hai
kitnā āsāñ hai sochnā 'shāhid'
kitnā dushvār karnā hotā hai
ye jo izhaar karna hota hai
kar-e-be-kar karna hota hai
qabr wo naw hai ki jis mein hamein
aasman par karna hota hai
KHal-o-KHad se gurez karna bhi
lams bedar karna hota hai
ishq wo kar-e-yak-ba-yak hai jise
marhala-war karna hota hai
apne andar KHala-puri ke liye
KHud ko mismar karna hota hai
hum pas-e-dar sikh aate hain
jo sar-e-dar karna hota hai
kitna aasan hai sochna 'shahid'
kitna dushwar karna hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
