یہ جو اظہار کرنا ہوتا ہے
کار بے کار کرنا ہوتا ہے
قبر وہ ناؤ ہے کہ جس میں ہمیں
آسماں پار کرنا ہوتا ہے
خال و خد سے گریز کرنا بھی
لمس بیدار کرنا ہوتا ہے
عشق وہ کار یک بیک ہے جسے
مرحلہ وار کرنا ہوتا ہے
اپنے اندر خلا پری کے لیے
خود کو مسمار کرنا ہوتا ہے
ہم پس دار سیکھ آتے ہیں
جو سر دار کرنا ہوتا ہے
کتنا آساں ہے سوچنا شاہدؔ
کتنا دشوار کرنا ہوتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
