ye jo mujh meñ azaab hai pyāre
us kī chup kā javāb hai pyāre
aas ab āsmāñ se rakkhī hai
chhat kā mausam ḳharāb hai pyāre
ashk aaheñ ḳhushī Thahāke saath
zindagī vo kitāb hai pyāre
pyaar agar hai to is kī had paanā
sabse mushkil hisāb hai pyāre
kaT chukī haiñ tamām zanjīreñ
phir bhī ḳhāna-ḳharāb hai pyāre
kaun terā hai kis kā hai tū bhī
aisā koī hisāb hai pyāre
dil meñ chhap kar bhī ḳhushbueñ degī
har tamannā gulāb hai pyāre
ye jo mujh mein azab hai pyare
us ki chup ka jawab hai pyare
aas ab aasman se rakkhi hai
chhat ka mausam KHarab hai pyare
ashk aahen KHushi Thahake sath
zindagi wo kitab hai pyare
pyar agar hai to is ki had pana
sabse mushkil hisab hai pyare
kaT chuki hain tamam zanjiren
phir bhi KHana-KHarab hai pyare
kaun tera hai kis ka hai tu bhi
aisa koi hisab hai pyare
dil mein chhap kar bhi KHushbuen degi
har tamanna gulab hai pyare
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.