ye jo mujhse aur junun se yan baDi jang hoti hai der se

ye jo mujh se aur junūñ se yaañ baḌī jañg hotī hai der se

so kuchh aisī Dhab se laḌā.ī hai laḌe sher jaise ki sher se

banī shakl lailā-e-nau-javāñ mire daatā kyā kahūñ al-amāñ

vo tajallī ek jo huī ayaañ kisī raat qais ke Dher se

abhī do mahīne se huuñ judā na to ḳhvāb meñ bhī nazar paḌā

bhalā aur andher ziyāda kyā kahīñ hogā aise andher se

mujhe shāmiyāna tale se kyā mirā dil to kahtā hai mujh se aa

sar-e-rāh koThe pe baiTh jā yahīñ takiya de ke muñDer se

tirī bādle kī ye oḌhnī are barq kauñde nazar meñ tab

kare ye ghaTā jo muqābla kisī peshvāz ke gher se

nahīñ intizār ke hausle mujhe sūjhe saikḌoñ artale

qasam un ne khaa.ī to hai vale mirā jī Dare hai adher se

bhalā mujh se dev ke sāmne koī Thoñk sakte haiñ ḳham bhalā

are ye añgūThe se aadmī to bichāre ḳhud haiñ baTer se

''vahī pī kahāñ vahī pī kahāñ'' yahī ek raT sī jo hai so hai

mahārāj choT sī lagtī hai mujhe is papīhe kī Ter se

ġhazal 'inshā' aur bhī ek likh isī bahar aur radīf kī

ki zabar kī qāfiye jis meñ hoñ mujhe nafrat aa ga.ī zer se

ye jo mujh se aur junun se yan baDi jang hoti hai der se

so kuchh aisi Dhab se laDai hai laDe sher jaise ki sher se

bani shakl laila-e-nau-jawan mere data kya kahun al-aman

wo tajalli ek jo hui ayan kisi raat qais ke Dher se

abhi do mahine se hun juda na to KHwab mein bhi nazar paDa

bhala aur andher ziyaada kya kahin hoga aise andher se

mujhe shamiyana tale se kya mera dil to kahta hai mujh se aa

sar-e-rah koThe pe baiTh ja yahin takiya de ke munDer se

teri baadle ki ye oDhni are barq kaunde nazar mein tab

kare ye ghaTa jo muqabla kisi peshwaz ke gher se

nahin intizar ke hausle mujhe sujhe saikDon artale

qasam un ne khai to hai wale mera ji Dare hai adher se

bhala mujh se dew ke samne koi Thonk sakte hain KHam bhala

are ye anguThe se aadmi to bichaare KHud hain baTer se

wahi pi kahan wahi pi kahan yahi ek raT si jo hai so hai

mahaaraj choT si lagti hai mujhe is papihe ki Ter se

ghazal 'insha' aur bhi ek likh isi bahar aur radif ki

ki zabar ki qafiye jis mein hon mujhe nafrat aa gai zer se