ye jo suna ek din wo haweli yaksar be-asar giri

ye jo sunā ik din vo havelī yaksar be-āsār girī

ham jab bhī saa.e meñ baiThe dil par ik dīvār girī

jūñhī muḌ kar dekhā maiñ ne biich uThī thī ik dīvār

bas yuuñ samjho mere uupar bijlī sī ik baar girī

dhaar pe baaḌ rakhī jaa.e aur ham us ke ghāyal Thahreñ

maiñ ne dekhā aur nazroñ se un palkoñ kī dhaar girī

girne vaalī un ta.amīroñ meñ bhī ek salīqa thā

tum īñToñ kī pūchh rahe ho miTTī tak hamvār girī

bedārī ke bistar par maiñ un ke ḳhvāb sajātā huuñ

niiñd bhī jin kī TaaT ke uupar ḳhvāboñ se nādār girī

ḳhuub hī thī vo qaum-e-shahīdāñ ya.anī sab be-zaḳhm-o-ḳharāsh

maiñ bhī us saf meñ thā shāmil vo saf jo be-vār girī

har lamha ghamsān kā ran hai kaun apne ausān meñ hai

kaun hai ye? achchhā to maiñ huuñ laash to haañ ik yaar girī

ye jo suna ek din wo haweli yaksar be-asar giri

hum jab bhi sae mein baiThe dil par ek diwar giri

junhi muD kar dekha main ne bich uThi thi ek diwar

bas yun samjho mere upar bijli si ek bar giri

dhaar pe baD rakhi jae aur hum us ke ghayal Thahren

main ne dekha aur nazron se un palkon ki dhaar giri

girne wali un tamiron mein bhi ek saliqa tha

tum inTon ki puchh rahe ho miTTi tak hamwar giri

bedari ke bistar par main un ke KHwab sajata hun

nind bhi jin ki TaT ke upar KHwabon se nadar giri

KHub hi thi wo qaum-e-shahidan yani sab be-zaKHm-o-KHarash

main bhi us saf mein tha shamil wo saf jo be-war giri

har lamha ghamsan ka ran hai kaun apne ausan mein hai

kaun hai ye? achchha to main hun lash to han ek yar giri