ye justujū meñ na jaane kis kī charāġh āñkhoñ ke jal rahe haiñ
ki qaid-e-hastī se ham nikal kar ufuq kī rāhoñ pe chal rahe haiñ
ye vaqt jaane azaab kaise shadīd mujh par utārtā hai
ye chāñd taare hasīn manzar nazar meñ jaise pighal rahe haiñ
kahīñ umīdoñ kī ye qanāteñ jo TūTtīñ to ġhazab hī hotā
mire azā.em mire irāde bulandiyoñ par sañbhal rahe haiñ
kise ḳhabar thī ki rut ḳhizāñ kī vajūd meñ hai rachī basī sī
talāsh-e-fasl-e-bahār meñ ham fanā kī rāhoñ pe chal rahe haiñ
mirī anā par ye vaar gahrā na jaane kis ne kiyā hai 'āsif'
jo ashk āñkhoñ meñ aa rahe haiñ lahū ke qatroñ meñ Dhal rahe haiñ
ye justuju mein na jaane kis ki charagh aankhon ke jal rahe hain
ki qaid-e-hasti se hum nikal kar ufuq ki rahon pe chal rahe hain
ye waqt jaane azab kaise shadid mujh par utarta hai
ye chand tare hasin manzar nazar mein jaise pighal rahe hain
kahin umidon ki ye qanaten jo TuTtin to ghazab hi hota
mere azaem mere irade bulandiyon par sanbhal rahe hain
kise KHabar thi ki rut KHizan ki wajud mein hai rachi basi si
talash-e-fasl-e-bahaar mein hum fana ki rahon pe chal rahe hain
meri ana par ye war gahra na jaane kis ne kiya hai 'asif'
jo ashk aankhon mein aa rahe hain lahu ke qatron mein Dhal rahe hain
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
