ye kahan lagi ye kahan lagi jo qafas se shor-e-fughan uTha

ye kahāñ lagī ye kahāñ lagī jo qafas se shor-e-fuġhāñ uThā

jale āshiyāne kuchh is tarah ki har ek dil se dhuāñ uThā

lagī aag mere jigar meñ yuuñ na lage kisī ke bhī ghar meñ yuuñ

na to lau uThī na chamak huī na sharar uḌe na dhuāñ uThā

koī mast-e-mai-kada aa gayā mai-e-be-ḳhudī vo pilā gayā

na sadā-e-naġhma-e-dair uThī na haram se shor-e-azāñ uThā

ga.e saath shaiḳh-e-haram ke ham na koī milā na liye qadam

na to ḳhum baḌhā na subū jhukā jo uThā to pīr-e-muġhāñ uThā

lab-e-ḳhum se nikle sadā-e-qum sar-e-dosh aise hazār ḳham

ḳham-e-āsmāñ bhī ho jis meñ gum vo siyāh abr kahāñ uThā

tujhe mai-e-farosh ḳhabar bhī hai ki maqām kaun hai kyā hai shai

ye rah-e-haram meñ dukān-e-mai tū yahāñ se apnī dukāñ uThā

ye saped-rīsh 'riyāz' hai jo banā hai bazm meñ pand-go

ise kyuuñ na abr-e-siyah kahūñ ki baras paḌā ye jahāñ uThā

ye kahan lagi ye kahan lagi jo qafas se shor-e-fughan uTha

jale aashiyane kuchh is tarah ki har ek dil se dhuan uTha

lagi aag mere jigar mein yun na lage kisi ke bhi ghar mein yun

na to lau uThi na chamak hui na sharar uDe na dhuan uTha

koi mast-e-mai-kada aa gaya mai-e-be-KHudi wo pila gaya

na sada-e-naghma-e-dair uThi na haram se shor-e-azan uTha

gae sath shaiKH-e-haram ke hum na koi mila na liye qadam

na to KHum baDha na subu jhuka jo uTha to pir-e-mughan uTha

lab-e-KHum se nikle sada-e-qum sar-e-dosh aise hazar KHam

KHam-e-asman bhi ho jis mein gum wo siyah abr kahan uTha

tujhe mai-e-farosh KHabar bhi hai ki maqam kaun hai kya hai shai

ye rah-e-haram mein dukan-e-mai tu yahan se apni dukan uTha

ye saped-rish 'riyaz' hai jo bana hai bazm mein pand-go

ise kyun na abr-e-siyah kahun ki baras paDa ye jahan uTha