ye kaisa dil hai kaisi dil-lagi hai

ye kaisā dil hai kaisī dil-lagī hai

tire hote hue bhī kuchh kamī hai

mire andar bapā hai shor itnā

mire atrāf jitnī ḳhāmushī hai

maiñ terī justujū meñ ab vahāñ huuñ

añdherā hai jahāñ na raushnī hai

vo kal shab ḳhvāb meñ aa.ī huī thī

mirī āñkhoñ se ḳhushbū aa rahī hai

nazar rakkhī huī hai tū ne mujh par

ḳhudā hai tū yā koī aadmī hai

maiñ nā-farmān huuñ to kyā burā hai

ki ye bhī to javāz-e-bandagī hai

mire chehre pe zaḳhmoñ ke nishāñ haiñ

mire chehre pe kitnī tāzgī hai

havā bhī hai badan bhī TūTtā hai

magar māchis meñ tiilī āḳhirī hai

maiñ saarī manzileñ tai kar chukā huuñ

mirī qismat meñ ab āvārgī hai

ye kaisa dil hai kaisi dil-lagi hai

tere hote hue bhi kuchh kami hai

mere andar bapa hai shor itna

mere atraf jitni KHamushi hai

main teri justuju mein ab wahan hun

andhera hai jahan na raushni hai

wo kal shab KHwab mein aai hui thi

meri aankhon se KHushbu aa rahi hai

nazar rakkhi hui hai tu ne mujh par

KHuda hai tu ya koi aadmi hai

main na-farman hun to kya bura hai

ki ye bhi to jawaz-e-bandagi hai

mere chehre pe zaKHmon ke nishan hain

mere chehre pe kitni tazgi hai

hawa bhi hai badan bhi TuTta hai

magar machis mein tili aaKHiri hai

main sari manzilen tai kar chuka hun

meri qismat mein ab aawargi hai