ye kaisa rabt hua dil ko teri zat ke sath

ye kaisā rabt huā dil ko terī zaat ke saath

tirā ḳhayāl ab aatā hai baat baat ke saath

kaThin thā marhala-e-intizār-e-sub.h bahut

basar huā huuñ maiñ ḳhud bhī guzartī raat ke saath

paḌīñ thiiñ pā-e-nazar meñ hazār zanjīreñ

bañdhā huā thā maiñ apne tavahhumāt ke saath

jalūs-e-vaqt ke pīchhe ravāñ maiñ ik lamha

ki jaise koī janāza kisī barāt ke saath

kabhī kabhī to ye lagtā hai jaise ye duniyā

badal rahī ho mire dil kī vārdāt ke saath

jo duur se bhī kisī ġham kā sāmnā ho jaa.e

pukārtā hai mujhe kitne iltifāt ke saath

taḌaḳh ke TuuT gayā dil kā ā.īna 'maḳhmūr'

paḌā jo aks-e-fanā partav-e-hayāt ke saath

ye kaisa rabt hua dil ko teri zat ke sath

tera KHayal ab aata hai baat baat ke sath

kaThin tha marhala-e-intizar-e-subh bahut

basar hua hun main KHud bhi guzarti raat ke sath

paDin thin pa-e-nazar mein hazar zanjiren

bandha hua tha main apne tawahhumat ke sath

jalus-e-waqt ke pichhe rawan main ek lamha

ki jaise koi janaza kisi baraat ke sath

kabhi kabhi to ye lagta hai jaise ye duniya

badal rahi ho mere dil ki wardat ke sath

jo dur se bhi kisi gham ka samna ho jae

pukarta hai mujhe kitne iltifat ke sath

taDaKH ke TuT gaya dil ka aaina 'maKHmur'

paDa jo aks-e-fana partaw-e-hayat ke sath