ye kaise KHauf hamein aaj phir satane lage
ye kaise ḳhauf hameñ aaj phir satāne lage
hamāre paas raho tum ki dil Thikāne lage
ġhubār-e-shahr se bāhar tirī rifāqat meñ
sukūt-e-shām ke lamhe baḌe suhāne lage
kabhī jo lauT ke aa.e kisī masāfat se
to apne shahr ke manzar vahī purāne lage
sazā ke ḳhauf se kyuuñ is qadar laraztā hai
kar aisā jurm ki rahmat bhī muskurāne lage
ye kā.enāt to ujlat meñ mil ga.ī thī mujhe
magar talāsh meñ apnī ka.ī zamāne lage
zahe nasīb mirā fan maqām pā hī gayā
hasīn hoñT mire giit gungunāne lage
ye kaise KHauf hamein aaj phir satane lage
hamare pas raho tum ki dil Thikane lage
ghubar-e-shahr se bahar teri rifaqat mein
sukut-e-sham ke lamhe baDe suhane lage
kabhi jo lauT ke aae kisi masafat se
to apne shahr ke manzar wahi purane lage
saza ke KHauf se kyun is qadar larazta hai
kar aisa jurm ki rahmat bhi muskurane lage
ye kaenat to ujlat mein mil gai thi mujhe
magar talash mein apni kai zamane lage
zahe nasib mera fan maqam pa hi gaya
hasin honT mere git gungunane lage
- Book : Gulab Khilty Hain (Pg. 134)
- Author : Dr. Syed Anwar Ahmad
- Publication : Jahangir Books (2013)
- Edition : 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
