ye kaise moD pe haalat aaj lae mujhe

ye kaise moḌ pe hālāt aaj laa.e mujhe

ki mere apne bhī lagte haiñ ab parā.e mujhe

koī to baat hai maiñ sahmā sahmā rahtā huuñ

koī ḳhayāl hai jo har ghaḌī satā.e mujhe

ḳhatā.eñ ḳhud karūñ ilzām duuñ muqaddar ko

ajiib baat hai phir bhī na sharm aa.e mujhe

maiñ jāntā huuñ ye manzil bhī aur rasta bhī

magar tarīq-e-safar ajnabī banā.e mujhe

na jaane dil meñ ye kyoñ aag sī lagātī hai

na jaane kaun sī shai har ghaḌī satā.e mujhe

maiñ us kī gard-e-safar ban ke us ke saath rahūñ

kahāñ nasīb ki vo ham-safar banā.e mujhe

ajiib baat hai maiñ ḳhud se duur rahtā huuñ

koī ho aisā jo mere qarīb laa.e mujhe

ye kaise moD pe haalat aaj lae mujhe

ki mere apne bhi lagte hain ab parae mujhe

koi to baat hai main sahma sahma rahta hun

koi KHayal hai jo har ghaDi satae mujhe

KHataen KHud karun ilzam dun muqaddar ko

ajib baat hai phir bhi na sharm aae mujhe

main jaanta hun ye manzil bhi aur rasta bhi

magar tariq-e-safar ajnabi banae mujhe

na jaane dil mein ye kyon aag si lagati hai

na jaane kaun si shai har ghaDi satae mujhe

main us ki gard-e-safar ban ke us ke sath rahun

kahan nasib ki wo ham-safar banae mujhe

ajib baat hai main KHud se dur rahta hun

koi ho aisa jo mere qarib lae mujhe