ye kaisi aaya-e-moajiz-numa nikal aai

ye kaisī āya-e-mo.ajiz-numā nikal aa.ī

havā-e-dasht se bād-e-sabā nikal aa.ī

bichhā huā thā nigāhoñ meñ farsh-e-istisqā

zamīn-e-dil pe nabī kī duā nikal aa.ī

koī dishā nazar aatī nahīñ thī tā-ba-falak

zamīñ se tā-ba-falak ik dishā nikal aa.ī

pahāḌ ho ga.ī tanhā.ī, aur phir ik roz

usī pahāḌ se ġhār-e-hirā nikal aa.ī

ginī-chunī huī ghaḌiyoñ meñ ek sā.at-e-sabz

kanār-e-dahr se bhī māvarā nikal aa.ī

ye kaisi aaya-e-moajiz-numa nikal aai

hawa-e-dasht se baad-e-saba nikal aai

bichha hua tha nigahon mein farsh-e-istisqa

zamin-e-dil pe nabi ki dua nikal aai

koi disha nazar aati nahin thi ta-ba-falak

zamin se ta-ba-falak ek disha nikal aai

pahaD ho gai tanhai, aur phir ek roz

usi pahaD se ghaar-e-hira nikal aai

gini-chuni hui ghaDiyon mein ek saat-e-sabz

kanar-e-dahr se bhi mawara nikal aai