ye kamra kyon paraganda paDa hai

ye kamra kyoñ parāganda paḌā hai

makīñ par kaun sā daura paḌā hai

dikhā.ī kyoñ nahīñ detī sadāqat

ye kaisā aañkh par parda paḌā hai

nasab se kuchh nahīñ hotā hai pyāre

sabhī ke paas ik shajara paḌā hai

gayā hai chhoḌ kar koī udāsī

pas-e-ā.īna ik chehra paḌā hai

mohabbat ho ga.ī hai be-irāda

gale yuuñ jaan kā ḳhatra paḌā hai

banā hai jis ke hāthoñ se samundar

tan-e-tanhā vahī qatra paḌā hai

masīhā kah rahī thī jis ko duniyā

vo dekho aaj ḳhud murda paḌā hai

ḳhudāyā rahm 'as.ad' kī ḳhatā par

tire dar par kiye sajda paḌā hai

ye kamra kyon paraganda paDa hai

makin par kaun sa daura paDa hai

dikhai kyon nahin deti sadaqat

ye kaisa aankh par parda paDa hai

nasab se kuchh nahin hota hai pyare

sabhi ke pas ek shajara paDa hai

gaya hai chhoD kar koi udasi

pas-e-aina ek chehra paDa hai

mohabbat ho gai hai be-irada

gale yun jaan ka KHatra paDa hai

bana hai jis ke hathon se samundar

tan-e-tanha wahi qatra paDa hai

masiha kah rahi thi jis ko duniya

wo dekho aaj KHud murda paDa hai

KHudaya rahm 'asad' ki KHata par

tere dar par kiye sajda paDa hai