ye kaun apne andar bedar ho gaya hai

ye kaun apne andar bedār ho gayā hai

merī anā ke aage dīvār ho gayā hai

ehsās mere ġham kā iz.hār ho gayā hai

tarkash kā tiir phir se be-kār ho gayā hai

din-rāt kī kashākash bezār kar ga.ī to

laḌne ko zindagī se tayyār ho gayā hai

patthar kī be-hisī hai har dāstān dil kī

tahzīb kā anokhā me.aar ho gayā hai

āñkheñ batā rahī haiñ ik ek baat dil kī

duniyā kī chāhatoñ kā āzār ho gayā hai

apnī haqīqatoñ se chehroñ ko kyā chhupā.eñ

ā.īna aap apnā kirdār ho gayā hai

ye kaun apne andar bedar ho gaya hai

meri ana ke aage diwar ho gaya hai

ehsas mere gham ka izhaar ho gaya hai

tarkash ka tir phir se be-kar ho gaya hai

din-raat ki kashakash bezar kar gai to

laDne ko zindagi se tayyar ho gaya hai

patthar ki be-hisi hai har dastan dil ki

tahzib ka anokha mear ho gaya hai

aankhen bata rahi hain ek ek baat dil ki

duniya ki chahaton ka aazar ho gaya hai

apni haqiqaton se chehron ko kya chhupaen

aaina aap apna kirdar ho gaya hai