ye KHush-fahmi bachaw ke liye hai

ye ḳhush-fahmī bachāv ke liye hai

ki dariyā bas bahāv ke liye hai

churāne duuñ kisī sūraj ko kaise

ye shabnam jo alaav ke liye hai

tirī taalī bhī koī fitna hogī

tirī thapkī bhī taav ke liye hai

be-marham hī raho ki ye namak to

hamāre apne ghaav ke liye hai

dhḌaknā bhī zarūrī na.iiñ hai is kā

na hī ye dil lagāv ke liye hai

abhī mahfūz haiñ mallāh saare

bhañvar filhāl naav ke liye hai

havā meñ ġharq hai har mauj 'sāgar'

kinārā bhī kaTāv ke liye hai

ye KHush-fahmi bachaw ke liye hai

ki dariya bas bahaw ke liye hai

churane dun kisi suraj ko kaise

ye shabnam jo alaw ke liye hai

teri tali bhi koi fitna hogi

teri thapki bhi taw ke liye hai

be-marham hi raho ki ye namak to

hamare apne ghaw ke liye hai

dhDakna bhi zaruri nain hai is ka

na hi ye dil lagaw ke liye hai

abhi mahfuz hain mallah sare

bhanwar filhaal naw ke liye hai

hawa mein gharq hai har mauj 'sagar'

kinara bhi kaTaw ke liye hai