ye kis aalam mein apne ghar gae hum

ye kis aalam meñ apne ghar ga.e ham

tirī mahfil se chashm-e-tar ga.e ham

sharāfat hai ki ġhussa thuuk Daalā

na samjho ye ki tum se Dar ga.e ham

huā hai bā.is-e-lutf-o-karam kyā

kahā us ne ki tum pe mar ga.e ham

zamīñ bātil ke bhī pairoñ se niklī

hathelī par jo le ke sar ga.e ham

bahut pachhtā.e nādānī pe 'at.har'

sarāboñ par bharosa kar ga.e ham

ye kis aalam mein apne ghar gae hum

teri mahfil se chashm-e-tar gae hum

sharafat hai ki ghussa thuk Dala

na samjho ye ki tum se Dar gae hum

hua hai bais-e-lutf-o-karam kya

kaha us ne ki tum pe mar gae hum

zamin baatil ke bhi pairon se nikli

hatheli par jo le ke sar gae hum

bahut pachhtae nadani pe 'athar'

sarabon par bharosa kar gae hum