ye kis aashob-e-jaan ki rahguzar hai

ye kis āshob-e-jāñ kī rahguzar hai

ki har naqsh-e-qadam ik chashm-e-tar hai

hamārā haal ab nau-e-digar hai

are zālim tujhe kuchh bhī ḳhabar hai

mujhe ashkoñ se rusvā.ī kā Dar hai

masal hai ghar ke bhedī se ḳhatar hai

na kyoñ jaame se ho jā.ūñ maiñ bāhar

ki aaj us but ke aane kī ḳhabar hai

habāb-āsā hai apnā dam laboñ par

koī dam meñ idhar hai yā udhar hai

vahāñ qashqa hai sandal kā jabīñ par

yahāñ hasrat ke maare dard-e-sar hai

jigar ko kar rahī hai teġh zaḳhmī

nahīñ ma.alūm ye kis kī nazar hai

janāb-e-'mīr' kā pairau huuñ 'bāqī'

mire sher-o-suḳhan meñ kyā asar hai

ye kis aashob-e-jaan ki rahguzar hai

ki har naqsh-e-qadam ek chashm-e-tar hai

hamara haal ab nau-e-digar hai

are zalim tujhe kuchh bhi KHabar hai

mujhe ashkon se ruswai ka Dar hai

masal hai ghar ke bhedi se KHatar hai

na kyon jame se ho jaun main bahar

ki aaj us but ke aane ki KHabar hai

habab-asa hai apna dam labon par

koi dam mein idhar hai ya udhar hai

wahan qashqa hai sandal ka jabin par

yahan hasrat ke mare dard-e-sar hai

jigar ko kar rahi hai tegh zaKHmi

nahin malum ye kis ki nazar hai

janab-e-'mir' ka pairau hun 'baqi'

mere sher-o-suKHan mein kya asar hai