یہ کس کا گماں ہے تصور سے آگے
یہ کس کا گماں ہے تصور سے آگے
محبت جواں ہے تصور سے آگے
ہوا رنگ خوشبو چمن روشنی گل
حسیں اک سماں ہے تصور سے آگے
یہاں مختصر سی کہانی ہے اپنی
بڑی داستاں ہے تصور سے آگے
زمیں کے مسائل زمیں پر ہی سوچو
فقط آسماں ہے تصور سے آگے
یہاں تجھ کو سجدہ کروں بھی تو کیسے
ترا آستاں ہے تصور سے آگے
تصور میں تو ہے تو روشن ہے دنیا
دھواں ہی دھواں ہے تصور سے آگے
تصور کی حد تک رہو تم بھی گوہرؔ
کڑا امتحاں ہے تصور سے آگے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
