ye kis ne aatish-e-ehsas ko hawa di hai

ye kis ne ātish-e-ehsās ko havā dī hai

ki merī ruuh meñ ik aag sī lagā dī hai

asīr-e-lazzat-e-duniyā huā to aap huā

mujhe numūd kī ḳhvāhish ne ye sazā dī hai

maiñ aise lamhoñ ko kyā naam duuñ ki jab maiñ ne

ḳhud apne aap ko shiddat se badduā dī hai

nadāmateñ mire maazī se kar rahī haiñ savāl

vo māh-o-sāl kī daulat kahāñ luTā dī hai

ajiib tarah kī vo dāstāñ hai ham ne jise

kahīñ se yaad rakhī hai kahīñ bhulā dī hai

ai rah-ravān-e-rah-e-shauq ḳhauf hai kaisā

jo rāste meñ thī dīvār vo girā dī hai

ye kis ne aatish-e-ehsas ko hawa di hai

ki meri ruh mein ek aag si laga di hai

asir-e-lazzat-e-duniya hua to aap hua

mujhe numud ki KHwahish ne ye saza di hai

main aise lamhon ko kya nam dun ki jab main ne

KHud apne aap ko shiddat se baddua di hai

nadamaten mere mazi se kar rahi hain sawal

wo mah-o-sal ki daulat kahan luTa di hai

ajib tarah ki wo dastan hai hum ne jise

kahin se yaad rakhi hai kahin bhula di hai

ai rah-rawan-e-rah-e-shauq KHauf hai kaisa

jo raste mein thi diwar wo gira di hai