ye kis ne kah diya hai qasr-e-sultani mein rahta hun

ye kis ne kah diyā hai qasr-e-sultānī meñ rahtā huuñ

maiñ apnī zaat meñ phailī bayābānī meñ rahtā huuñ

bahut hī sādgī se roz khātā huuñ fareb us se

phir us ke baad pahroñ ek hairānī meñ rahtā huuñ

maiñ din-bhar ḳhuub hañstā huuñ hamesha muskurātā huuñ

magar shab-bhar maiñ bazm-e-ashk-afshānī meñ rahtā huuñ

mujhe jo dushmanoñ ke vaar se mahfūz rakhtī haiñ

maiñ kuchh aisī duāoñ kī nigahbānī meñ rahtā huuñ

ye maiñ ne āzmāyā hai baḌe logoñ kī mahfil meñ

maiñ jitnā chup rahūñ utnī hī āsānī meñ rahtā huuñ

kisī bhī vaqt ashkoñ kā bahāo kam nahīñ hotā

maiñ dariyā kī tarah har vaqt tuġhyānī meñ rahtā huuñ

ye kis ne kah diya hai qasr-e-sultani mein rahta hun

main apni zat mein phaili bayabani mein rahta hun

bahut hi sadgi se roz khata hun fareb us se

phir us ke baad pahron ek hairani mein rahta hun

main din-bhar KHub hansta hun hamesha muskuraata hun

magar shab-bhar main bazm-e-ashk-afshani mein rahta hun

mujhe jo dushmanon ke war se mahfuz rakhti hain

main kuchh aisi duaon ki nigahbani mein rahta hun

ye main ne aazmaya hai baDe logon ki mahfil mein

main jitna chup rahun utni hi aasani mein rahta hun

kisi bhi waqt ashkon ka bahao kam nahin hota

main dariya ki tarah har waqt tughyani mein rahta hun