یہ کتابوں سی جو ہتھیلی ہے
یہ کتابوں سی جو ہتھیلی ہے
سب سے مشکل یہی پہیلی ہے
میری ہم عمر ہے یہ تنہائی
ساتھ بچپن سے میرے کھیلی ہے
ہنستی رہتی ہے ایک کھڑکی پر
اپنی دیوار میں اکیلی ہے
کھل رہی ہے یہ بات ہم پر بھی
زندگی اک کٹھن پہیلی ہے
ایک روزن سے چھن کے آ تو گئی
گھر میں لیکن کرن اکیلی ہے
نرم و نازک سی خوبصورت سی
زندگی پیار کی ہتھیلی ہے
شکریہ ان سبھی کو کہ آتشؔ
آنچ جس نے بھی تیری جھیلی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
