ye koi baat hui mil ke juda ho jaana

ye koī baat huī mil ke judā ho jaanā

kaash aa.e tumheñ pāband-e-vafā ho jaanā

is tasavvur hī se dil kaañp rahā hai merā

mere mahbūb kā aur mujh se judā ho jaanā

ye sar-e-arsh-e-mua.allā bhī pahuñch jaa.e to kyā

nahīñ mumkin kabhī insāñ kā ḳhudā ho jaanā

ahl-e-mahfil ne to samjhā thā haqīqat is ko

ik dikhāvā thā tirā mujh se ḳhafā ho jaanā

aarzū hai mirī taqdīr meñ likkhā hotā

rahguzar meñ tirī naqsh-e-kaf-e-pā ho jaanā

hāsil-e-umr-e-ravāñ is ke sivā kuchh bhī nahīñ

'soz' us jān-e-tamannā pe fidā jaanā

ye koi baat hui mil ke juda ho jaana

kash aae tumhein paband-e-wafa ho jaana

is tasawwur hi se dil kanp raha hai mera

mere mahbub ka aur mujh se juda ho jaana

ye sar-e-arsh-e-mualla bhi pahunch jae to kya

nahin mumkin kabhi insan ka KHuda ho jaana

ahl-e-mahfil ne to samjha tha haqiqat is ko

ek dikhawa tha tera mujh se KHafa ho jaana

aarzu hai meri taqdir mein likkha hota

rahguzar mein teri naqsh-e-kaf-e-pa ho jaana

hasil-e-umr-e-rawan is ke siwa kuchh bhi nahin

'soz' us jaan-e-tamanna pe fida jaana