ye kya haalat bana rakkhi hai ye aasar kaise hain

ye kyā hālat banā rakkhī hai ye āsār kaise haiñ

bahut achchhā-bhalā chhoḌā thā ab bīmār kaise

vo mujh se pūchhne aa.ī hai kuchh likkhā nahīñ mujh par

maiñ us ko kaise samjhā.ūñ mire ash'ār kaise haiñ

mirī socheñ haiñ kaisī kaun in sochoñ kā markaz hai

jo mere zehn meñ palte haiñ vo afkār kaise haiñ

mire dil kā alāvoñ aaj tak dekhā nahīñ jis ne

vo kyā jaane ki sho'le sūrat-e-iz.hār kaise haiñ

ye mantiq kaun samjhegā ki yaḳh-kamre kī ThanDak meñ

mire alfāz ke malbūs sho.ala-bār kaise haiñ

zarā sī ek farmā.ish bhī puurī kar nahīñ sakte

mohabbat karne vaale log bhī lāchār kaise haiñ

judā.ī kis tarah bartāv ham logoñ se kartī hai

mizājan ham-suḳhanvar be-dil-o-be-zār kaise haiñ

ye kya haalat bana rakkhi hai ye aasar kaise hain

bahut achchha-bhala chhoDa tha ab bimar kaise

wo mujh se puchhne aai hai kuchh likkha nahin mujh par

main us ko kaise samjhaun mere ash'ar kaise hain

meri sochen hain kaisi kaun in sochon ka markaz hai

jo mere zehn mein palte hain wo afkar kaise hain

mere dil ka alawon aaj tak dekha nahin jis ne

wo kya jaane ki sho'le surat-e-izhaar kaise hain

ye mantiq kaun samjhega ki yaKH-kamre ki ThanDak mein

mere alfaz ke malbus shoala-bar kaise hain

zara si ek farmaish bhi puri kar nahin sakte

mohabbat karne wale log bhi lachaar kaise hain

judai kis tarah bartaw hum logon se karti hai

mizajan ham-suKHanwar be-dil-o-be-zar kaise hain