ye kya hua ki har ek rasm-o-rah toD gae

ye kyā huā ki har ik rasm-o-rāh toḌ ga.e

jo mere saath chale the vo saath chhoḌ ga.e

vo aa.ine jinheñ ham sab aziiz rakhte the

vo pheñke vaqt ne patthar ki toḌ phoḌ ga.e

hamāre bhīge hue dāmanoñ kī shaan to dekh

falak se aa.e malak aur gunah nichoḌ ga.e

biphartī maujoñ ko kashtī ne rauñd Daalā hai

ḳhushā vo azm ki tūfāñ kā zor toḌ ga.e

rahegī guuñj hamārī to ek muddat tak

hamāre sher kuchh aise nuqūsh chhoḌ ga.e

un aa.e din ke havādis ko kyā kahūñ 'sādiq'

mirī taraf hī havāoñ kā ruḳh ye moḌ ga.e

ye kya hua ki har ek rasm-o-rah toD gae

jo mere sath chale the wo sath chhoD gae

wo aaine jinhen hum sab aziz rakhte the

wo phenke waqt ne patthar ki toD phoD gae

hamare bhige hue damanon ki shan to dekh

falak se aae malak aur gunah nichoD gae

bipharti maujon ko kashti ne raund Dala hai

KHusha wo azm ki tufan ka zor toD gae

rahegi gunj hamari to ek muddat tak

hamare sher kuchh aise nuqush chhoD gae

un aae din ke hawadis ko kya kahun 'sadiq'

meri taraf hi hawaon ka ruKH ye moD gae