ye kya kaha ki jamal un ka be-hijab na tha

ye kyā kahā ki jamāl un kā be-hijāb na thā

ye māhtāb nahīñ thā ye āftāb na thā

na hai vo daur jo majrūh-e-inqalāb na thā

tumhāre husn mire ishq kā javāb na thā

jahān-e-ġham meñ tasavvur bhī kāmyāb na thā

'shifā' hamārī qayāmat meñ āftāb na thā

ye thā hijāb-e-fareb us kā yā fareb-e-hijāb

ki be-hijāb thā vo aur be-hijāb na thā

vo barhamī se sahī mujh ko dekh to lete

ḳharāb thā magar itnā to maiñ ḳharāb na thā

ḳhatā muaaf ho vo din bhī yaad haiñ ki nahīñ

hameñ hijāb thā aur aap ko hijāb na thā

dil-e-shafaq se lab-e-gul se chashm-e-shabnam se

kahāñ kahāñ se farozāñ tirā shabāb na thā

'shifā' vo rotā na kyūñkar guloñ ke hañsne par

jo ġham-nasīb ki ġham meñ bhī kāmyāb na thā

ye kya kaha ki jamal un ka be-hijab na tha

ye mahtab nahin tha ye aaftab na tha

na hai wo daur jo majruh-e-inqalab na tha

tumhaare husn mere ishq ka jawab na tha

jahan-e-gham mein tasawwur bhi kaamyab na tha

'shifa' hamari qayamat mein aaftab na tha

ye tha hijab-e-fareb us ka ya fareb-e-hijab

ki be-hijab tha wo aur be-hijab na tha

wo barhami se sahi mujh ko dekh to lete

KHarab tha magar itna to main KHarab na tha

KHata muaf ho wo din bhi yaad hain ki nahin

hamein hijab tha aur aap ko hijab na tha

dil-e-shafaq se lab-e-gul se chashm-e-shabnam se

kahan kahan se farozan tera shabab na tha

'shifa' wo rota na kyunkar gulon ke hansne par

jo gham-nasib ki gham mein bhi kaamyab na tha