یہ کیا کہتے ہو تجھ سے واسطہ کیا
یہ کیا کہتے ہو تجھ سے واسطہ کیا
ذرا پھر تو کہو تم نے کہا کیا
ملا دی خاک میں تربت کسی کی
ارے او جانے والے یہ کیا کیا
خدا کا شکر ہے اچھے ہیں صاحب
اجی بیمار غم کا پوچھنا کیا
سوال وصل سن کر حشر ڈھایا
ذرا سی بات پر بگڑے ہیں کیا کیا
سبب کیا یار ترک گفتگو کا
بتاؤ تو ہوئی مجھ سے خطا کیا
تمہیں فرصت کہاں ذکر عدو سے
کہوں تم سے میں اپنا مدعا کیا
دیا دل اس بت کافر کو شبنمؔ
ارے نادان یہ تو نے کیا کیا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
