ye kya kahte ho tujhse wasta kya

ye kyā kahte ho tujh se vāsta kyā

zarā phir to kaho tum ne kahā kyā

milā dī ḳhaak meñ turbat kisī kī

are o jaane vaale ye kiyā kyā

ḳhudā kā shukr hai achchhe haiñ sāhib

ajī bīmār-e-ġham kā pūchhnā kyā

savāl-e-vasl sun kar hashr Dhāyā

zarā sī baat par bigḌe haiñ kyā kyā

sabab kyā yaar tark-e-guftugū kā

batāo to huī mujh se ḳhatā kyā

tumheñ fursat kahāñ zikr-e-adū se

kahūñ tum se maiñ apnā mudda'ā kyā

diyā dil us but-e-kāfir ko 'shabnam'

are nādān ye tū ne kiyā kyā

ye kya kahte ho tujh se wasta kya

zara phir to kaho tum ne kaha kya

mila di KHak mein turbat kisi ki

are o jaane wale ye kiya kya

KHuda ka shukr hai achchhe hain sahib

aji bimar-e-gham ka puchhna kya

sawal-e-wasl sun kar hashr Dhaya

zara si baat par bigDe hain kya kya

sabab kya yar tark-e-guftugu ka

batao to hui mujh se KHata kya

tumhein fursat kahan zikr-e-adu se

kahun tum se main apna mudda'a kya

diya dil us but-e-kafir ko 'shabnam'

are nadan ye tu ne kiya kya