ye kya ki ba’d-e-safar phir safar mein rakkha jae

ye kyā ki bā’d-e-safar phir safar meñ rakkhā jaa.e

hameñ bhī chaar pahar mustaqar meñ rakkhā jaa.e

maiñ jis ko haath lagā.ūñ vo lafz bol uTThe

ye mo'jiza bhī kaf-e-kam-hunar meñ rakkhā jaa.e

charāġh pichhle pahar thak ke saath chhoḌ ga.e

tirī talab ko ġhubār-e-sahar meñ rakkhā jaa.e

faroġh-e-fasl-e-riyā maslahat kī āb-o-havā

fazā kā rang navāh-e-nazar meñ rakkhā jaa.e

kitāb-e-'umr meñ aisā bhī baab ho koī

ki likh likhā ke jise āb-e-zar meñ rakkhā jaa.e

hazār pās-e-marātib kā qaht ho 'shādāb'

rahā hai farq jo zer-o-zabar meñ rakkhā jaa.e

ye kya ki ba’d-e-safar phir safar mein rakkha jae

hamein bhi chaar pahar mustaqar mein rakkha jae

main jis ko hath lagaun wo lafz bol uTThe

ye mo'jiza bhi kaf-e-kam-hunar mein rakkha jae

charagh pichhle pahar thak ke sath chhoD gae

teri talab ko ghubar-e-sahar mein rakkha jae

farogh-e-fasl-e-riya maslahat ki aab-o-hawa

faza ka rang nawah-e-nazar mein rakkha jae

kitab-e-'umr mein aisa bhi bab ho koi

ki likh likha ke jise aab-e-zar mein rakkha jae

hazar pas-e-maraatib ka qaht ho 'shadab'

raha hai farq jo zer-o-zabar mein rakkha jae